Xhevat Bislimi
24 Gusht 2014
Fati i kombit të saj të copetuar po e ndjek edhe mërgatën shqiptare... Mungesa e një qendre ose e një boshti rreth të cilit do të sillej kombi shqiptar po shprehet edhe te mërgimtarët tanë... Nëse është e vështirë (dhe është...) të bashkohen tokat e Shqipërisë në një shtet të vetem nuk do të ishte kaq e vështirë të kemi një MINISTRI të përbashkët (mbarëkombëtare...) në Tiranë, e cila do të përkujdesej për mërgatën-diasporën shqiptare pa dallim shteti e krahine... Nuk është fare e vështirë, gjithashtu, dhe kjo është e domosdoshme, të kishim një Bashkësi të vetme Islame Shqiptare, e cila do të ndahej qartë dhe prerë nga bota arabo-turke dhe t'i shërbente vetem ZOTIT dhe interesave të kombit tonë, Shqipërisë dhe shqiptarëve... Kjo barrë bie në radhë të parë mbi supet e teologëve, imamëve... atdhetarë shqiptarë të islamit, pastaj është detyrë edhe ei nteligjencies dhe institucionëve tona në Tiranë, Prishtinë, Shkup... Pasi të bashkohen bashkësitë e shumta islame shqiptare në një të vetme, do të duhej edhe një Keshill Kombëtar i feve-besimëve që kanë shqiptarët, i cili do të bashkërendonte dhe harmonizonte veprimtaritë e këtyre feve që kanë shqiptarët me inetresat kombëtare...
FUSHATA për ndërtimin e xhamive e të kishave edhe nëpër botë, kudo që ka mërgimtarë shqiptarë, më duket se është edhe një çështje që kërkon sa më parë krijimin e një Ministrie të vetme për mërgatën-diasporen shqiptare dhe për reformimin dhe riorganizimin e religjionit-feve ndër ne...
Me NISMËN e s'e di kujt, por e di që nuk janë "nismëtarë" të hajrit (janë të njejtë me këta të vendit...), në shumë vende dhe qytete të huaja po ngriten xhami (aty-këtu edhe ndonjë kishë...) në emer të "nevojave" shpirtërore të shqiptarëve-mërgimtarëve...!! Për këtë qëllim po mblidhen dhe po paguhen miliona euro të fituara me djersë, me lotë e me gjak...!! Mërgimtarët tanë, sikur edhe këtu, zihen ngushtë nga këta matrapazë të nxitur e të paguar nga ata që veç shqiptarë nuk na duan, kur është fjala për ndertimin ose blerjen e ketyre objekteve të kultit, sepse këta matrapazë-antishqiptarë i shpallin të "pa fe e të pa Zot..."!
Mërgimtarët tanë kanë nevojë, e kanë të domosdoshme, të kenë qendrat ose vatrat e tyre kombëtare për ruajtjen e gjuhës, kulturës, traditës dhe përgjithësisht identitetit të tyre shqiptar. Për këto qendra, vatra ose shtëpi shqiptare ia vlen të mblidhen dhe të jepen miliona euro, sepse këto do ta shpaguanin veten shumëfish... Këto qendra mund të shërbenin edhe për ruajtjen dhe thellimin e lidhjeve dhe të bashkëpunimit të mërgatës me kombin dhe anasjelltas... Këto qendra do të shërbenin edhe për ndërtimin dhe fuqizimin e lidhjeve ekonomike midis kombit tonë dhe vendëve të ndryshme ku janë vendosur mërgimtarët tanë... Ato mund të ishin mundësi të jashtëzakonshme edhe për nxitjen e investimeve të mërgimtarëve tanë në Atdhe... Në këto qendra, mërgimtarët tanë (besimtarët...), në një pjesë të veçantë mund t'i kryenin edhe ceremonitë-lutjet e tyre fetare pa dallim...
Sot në botë, edhe sipas raportit të OKB-së, shqiptarët (në raport me numrin e banorëve...) zënë vendin e parë për "ikje" nga vendi i tyre... Edhe pse nuk ka statistika të sakta, mund të themi pa frikë se po gabojmë, se më shumë shqiptarë ka në botë (duke përjashtuar Turqinë ku janë mbi 15 milionë shqiptarë...) se në Shqipëri (kam parasysh gjithe Shqipërinë, jo vetem Republiken-shtetin e Shqipërisë...)... Kjo mërgatë-diasporë është një fuqi e madhe njerëzore, ekonomike, kulturore, intelektuale, politike... Është mërgata, në fund të fundit, ajo që po mbanë edhe sot kombin... Prandaj, dy republikat shqiptare, sidomos, por edhe krahinat tjera, nuk guxojnë që edhe më tej "fatin" e kësaj pjese të kombit tonë, që ka mërguar në vende të ndryshme të botës, ta lënë në "mëshirën" dhe në duart e matrapazve të ndryshëm "shqiptarë" dhe shërbimëve të ndryshme antishqiptare... Nuk na ka mbet neve, shqiptarëve, t'i dalim zot dhe ta përfaqësojmë dhe as ta mbrojmë fenë islame, ortodokse apo katolike... Duhet t'ia dimë hallin vetit. Ka popuj shumë më të fuqishëm se ne që i dalin zot atyre feve... Ne na mbetët t'i dalim zot dhe ta mbajmë përkrah popujve të qytetëruar identitetin tonë gjuhësor, kulturor e kombëtar... Kjo është detyrë mbi detyrat e çdo shqiptari në Shqipëri dhe jashtë saj... Besimi në Zot dhe feja janë çështje personale dhe private e secilit... Vetem një shqiptar i devotshëm, i edukuar, i kulturuar... mund të jetë edhe një besimtar i mirë... Injorantët, matrapazët dhe bashkëpunëtorët e shërbimëve antishqiptare, që kanë marrë sot, këtu dhe jashtë, "bajrakun" e fesë janë e zeza e kombit dhe e feve që kemi ne shqiptarët... Kjo farë antishqiptare nuk i duhet as Zotit, as kombit...
